Пра сустрэчу Пасла Беларусі С.Чапурнога са Старшынёй Гандлёва-прамысловай палаты Туркменістана М.Гурдавым
14.02.2025 г.13 лютага 2025 г. Надзвычайны і Паўнамоцны Пасол Рэспублікі Беларусь у Туркменістане Станіслаў Чапурны правёў сустрэчу са Старшынёй Гандлёва-прамысловай палаты Туркменістана Мергенам Гурдавым.
Падчас сустрэчы бакі абмеркавалі патэнцыял узаемадзеяння Беларусі і Туркменістана ў гандлёва-эканамічнай сферы. Асаблівую ўвагу суразмоўцы надалі развіццю прамога ўзаемадзеяння паміж прадстаўнікамі бізнес-супольнасці Беларусі і Туркменістана, правядзенню двухбаковых B2B-сустрэч у розных фарматах і сістэматычнаму ўдзелу дэлегацый дзвюх краін у выставачных мерапрыемствах.
М.Гурдаў азнаёміў С.Чапурнога з інфраструктурай Гандлёва-прамысловай палаты Туркменістана і распавёў аб запланаваных да правядзення ў бліжэйшы час у Ашхабадзе значных выставачных мерапрыемствах.
У завяршэнне сустрэчы Старшыня ТППТ павіншаваў Пасла Беларусі з прызначэннем на пасаду і пачаткам працы ў Туркменістане.
