:

Гандлёва-эканамічнае супрацоўніцтва Рэспублікі Беларусь і Туркменістана

Прыярытэтным напрамкам двухбаковага ўзаемадзеяння з'яўляецца ўзаемавыгаднае гандлёва-эканамічнае супрацоўніцтва. У 2021 годзе тавараабарот склаў 20,8 млн. долараў, беларускі экспарт – 13,7 млн. долараў.

Аснову беларускага экспарту складаюць пастаўкі цукру, шын, правадоў ізаляваных, лекавых сродкаў, спірту этылавага, малакапрадуктаў. Асноўнымі пазіцыямі беларускага імпарту сталі бялізна пасцельная і кухонная, посуд, прадметы хатняга ўжытку з пластмас, мяшкі і пакеты ўпаковачныя з тэкстыльных матэрыялаў, нятканыя матэрыялы, адзенне тэкстыльнае.

У Туркменістане дзейнічаюць больш за 10 суб'ектаў тавараправоднай сеткі беларускіх прадпрыемстваў і арганізацый.

Безумоўным дасягненнем двухбаковых адносін з'яўляецца супрацоўніцтва па пастаўках беларускай сельскагаспадарчай і аўтамабільнай тэхнікі. Дзякуючы дамоўленасцяў прэзідэнтаў, з 2009 у Туркменістан пастаўлена каля 6 тысяч трактароў «МТЗ» і больш за 10 тысяч грузавых аўтамабіляў маркі «МАЗ».

Важным механізмам развіцця двухбаковых адносін з'яўляецца Міжурадавая Беларуска-Туркменская камісія па эканамічным супрацоўніцтве, дзевятае пасяджэнне якой адбылося ў г.Ашхабаде ў траўні 2019 г.
 
26 лютага 2021 г. адбылася анлайн-сустрэча сустаршыняў Камісіі, з удзелам прадстаўнікоў зацікаўленых міністэрстваў і кіраўнікоў дыпмісій дзвюх краін. Правядзенне пасяджэння Міжурадавай камісіі ў вочным фармаце плануецца пасля аднаўлення туркменкай бокам рэгулярных авіязносін з замежнымі краінамі.
 
Уклад у пашырэнне таварнай наменклатуры ўзаемных паставак ўносіць праца створаных у Ашхабадзе і Мінску гандлёвых дамоў.

Дыпмісіі Беларусі за мяжой

Усе дыпмісіі Сайт МЗС
Перайсці