Пра Міжнародны фестываль дзіцячай творчасці «Залатая пчолка»
25.01.2022 г.3 — 5 чэрвеня 2022 года ў горадзе Клімавічы Магілёўскай вобласці запланавана правядзенне Міжнароднага фестывалю дзіцячай творчасці «Залатая пчолка».
Калектывы і індывідуальныя выканаўцы бяруць удзел у фестывалі бясплатна. Усе выдаткі па забеспячэнні пражывання і харчавання ўдзельнікаў, арганізацыі культурнай праграмы бярэ на сябе аргкамітэт фестывалю.
За сваю гісторыю Міжнародны фестываль дзіцячай творчасці «Залатая пчолка» запаліў нямала яркіх зорачак і стаў трамплінам у творчую будучыню.
Нішто так не збліжае дзяцей і моладзь розных краін, як радасць ад сумеснай творчасці і зносін. Безумоўна, «Залатая пчолка» яшчэ не раз адкрые яркія імёны і стане добрым стымулам для далейшага творчага росту юных талентаў.
Падрабязная інфармацыя аб Міжнародным фестывалі даступна на сайце Клімавіцкага раённага выканаўчага камітэта.